04-02-2010
|
#1 |
تاريخ التسجيل: Feb 2010
العمر: 29
المشاركات: 8
شكراً: 3
تم شكره 0 مرة في 0 مشاركة
معدل تقييم المستوى: 0  |
ياشباب الوطن لبوا نداكم ......
السلام عليكم ورحمة الله وبركاته
شحالكم ياشباب و يا شابات ....  طالت اعماركم انا واحد ابا ادرس في استراليا واكمل دراسة فيها .. عمري 29 انا الحين اشتغل ومقبول في جامعة زايد بس ظروف الشغل ماتسمح اداوم وادرس لان الدراسة في الجامعة صباحية بس ولارمت ايب تفريغ من دوامي مالكم في الطويلة .... صراحة ... انا صارلي اداوم فوق ال 10 سنوات احين يعني ثانويتي جديمة خريج 1999 وكملت دبلوم واتخرجت 2007 دبلوم متوسط في IT والصراحه ابا اكمل بكلريوس في public relations وقدمت عن طريق IDP في بوظبي بس بعدهم ماردوا علي . ابا اعرف بناء على خبرتكم ... هالتخصص زين ومفيد يعني له مستقبل ولا اغيره .. شو احسن الجامعات اللي تدرس هالتخصص بعدين اباكم تعطوني نسبة قبول طلبي ك مبتعث .. يعني بتطلعلي بعثة ولا لا .. لاني لازم استقيل من دوامي قبل لا اقدم . عندي ايلس ويايب فيه 6 وعندي توفل IBT ويايب فيه 78 وهل الراتب هناك يكفيكم اذا ابا اسكن في شقة غرفو وصالة جريبة من الجامعه وشو عن التذاكر و والسيرة والرده وشو عن الفيزا وشو عن الفترة من تطلع لي بعثة لين ادرس يعني بيمديني اقدم ع فيزا واستقيل و اشتري اغراض واسافر ولا مابيمديني يعني كم المدة تقريبا .. واذا عندكم اي معلومات ثانية خبرني بها .. ولاتبخلوا علي ... والسموحه اخوكم بو المها .. |
|
|
|
04-02-2010
|
#2 |
|
عضـو فعّـال
تاريخ التسجيل: Oct 2009
المشاركات: 175
شكراً: 0
تم شكره مرة واحدة في مشاركة واحدة
معدل تقييم المستوى: 1 |
يامرحبا بك ياخوي راشد
اشحالك عساك بخير ؟ ندخل في الموضوع واتمنى اني اقدر افيدك انا بكلمك على اساس انهم قبلوك انشاءالله استراليا بلاد هاديه وحلو فيها جو حلو للدراسه والتخصص الي انت مخترانه حلو ومتوفر في جامعات استراليا موضوع الفيزا طبعا ماتقدر تسوي فيه شي قبل مايظهر لك القبول للبعثه بس انا قاعد اكلمك ع اساس انك مقبول الفيزا مافيه شي اسهل منها تاخذ اوراقك طبعا ((شهادة الثانويه و الجواز و الجنسيه و صور شخصيه وشهادة الايلتس و التوفل ))وتروح تقدم في الوكاله الاستراليه في دبي ولا بوظبي ((شي مكتب ثاني في الشارجه في مركز التعاون بس مااعرف شو اسمه )) بعد ماتقدم يظهرون لك اوفر دراسي من الجامعه الي تبيها وعقب تسوي فحص طبي ياخذ منك نص ساعه بس وحتى المكتب الي انت سرت له هو يخلص كل شي وانت مالك خص في اي شي غير نك تدفع حوالي 1700 درهم وهم يراكضون ورا كل شي والشغله تاخذ حوالي الشهرين الى الثلاث شهور الراتب في استراليا ((انا مبتعث ع التعليم العالي )) الراتب 3900 دولار شهريا ويتغير كل 6 شهور ((يعني مش ثابت )) الحمدالله رب العالمين يكفي ومايقصر عليك بشي السكن متوفر تبي غرفه ولا غرفتين ولا3 ولا 4 ولا 5 موجود انا ساكن في شقه بروحي غرفة نوم وغرفة ملابس و صاله و مطبخ وحديقه وعزكم الله الحمام ب 1300 دولار والحمدالله مرتاح اخر راحه الاغراض نصيحه لاتكثر الاغراض يعني خذ بس حق اول شهر يعني كم جنز ع كم قميص وعقب تعال استراليا واخذ ثياب على جوهم وبالذات اذا ييييت ملبورن ولله ماتعرف شو تلبس يوم حر ويوم برد 10 دقايق مطر و10 دقايق شمس وحر لاتنسى تاخذ عدة حلاقه ((شي مهم هه)) خذ وياك كندوره ولا 2 كرمكم الله نعال سيادة صلاه ومصحف انت الحمدالله يعني عندكم مؤهلات حلوه انهم يقبلونك دبلوم والايلتس والتوفل وخبرة 10 سنين انشاءالله 99% مقبول والله يوفقك انشاءالله وتنور استراليا اتمنى اني قدرة افيدك لو في بعض الشغلات واذا محتاج اي توضيح ترنا كلنا في الخدمة والسموحه |
|
|
|
|
04-02-2010
|
#3 |
|
عضـو فعّـال
تاريخ التسجيل: Oct 2009
المشاركات: 175
شكراً: 0
تم شكره مرة واحدة في مشاركة واحدة
معدل تقييم المستوى: 1 |
راشد انت سألت عن التذاكر
التذاكر التعليم العالي يعطيك تذكره وحده في السنه اما عن الاسعار ف هي مش ثابته لاكن ك متوسط 6000 درهم روحه ورجعه اما ع الطيران في احسن شي الامارات والاتحاد شوف الاقرب من البيت وتعال فيه انا مااشوف اي فرق بيت الشركتين نفس شي يعني فيه فروقات لاكن ماتسوى يعني |
|
|
|
| الأعضاء الذين قالوا شكراً لـ شحي لاتروب على المشاركة المفيدة: | rashed (08-02-2010) |
|
04-02-2010
|
#4 |
|
العضو المميز لشهر ابريل - قاعة استراليا
عضـو نشيـط
تاريخ التسجيل: Jul 2008
المشاركات: 762
شكراً: 61
تم شكره 57 مرة في 41 مشاركة
معدل تقييم المستوى: 3 |
السلام عليكم
أخوي راشد بالنسبه للجامعات الاستراليه اللي تقدم هذا الكورس، سويت بحث وحصلت هذي الجامعات ما أعرف إذا في جامعات ثانيه أو لا أتمنى الأعضاء يطرحون غيرها إذا في في ولاية كوينزلاند _ بريزبن University of Queensland من أفضل 8 جامعات على مستوى استراليا حصلت هذا التخصص تحت Bachelors of Communication/Arts public relations وفي Queensland University of Technology مستوها متوسط Bachelor of Business (Public Relations Bachelor of Business (Honours) Public Relations في ولاية فيكتوريا _ ملبورن الكورس موجود في Monash University من أفضل 8 جامعات على مستوى استراليا public relations عندك Deakin University تقدم الكورس هذا Bachelor of Arts (public relations وفي RMIT University Bachelor of Communication (Public Relations أختكم بنت علي
__________________
توكلت على من هو ليس بمضيعي ... فكيف لي أن أخشى وهو معي  http://alazaheer.net/up/hamm.swf إهداء لكل مغترب |
|
|
|
| الأعضاء الذين قالوا شكراً لـ بنت علي على المشاركة المفيدة: | rashed (08-02-2010) |
|
04-02-2010
|
#5 |
|
offline
تاريخ التسجيل: Jun 2007
المشاركات: 6,335
شكراً: 55
تم شكره 312 مرة في 134 مشاركة
معدل تقييم المستوى: 10 |
يا حي بك حي يا بو المها
خوان وخوات شما ماقصروا . . موفق الشيخ
__________________
أقسم بالله العظيم أن أكون مخلصاً لدولة الإمارات العربية المتحدة ولرئيسها صاحب السمو الشيخ خليفة بن زايد آل نهيان رئيس الدولة مطيعاً لجميع الأوامر التي تصدر إلي من رؤسائي منفذاً لها في البر والبحر والجو داخل البلاد وخارجها في كل الظروف والأوقات واضعاً نفسي ومواهبي في خدمة البلاد رافعـاً علمها وحامياً استقلالها وسلامة أراضيها معادياً من يعاديها مسالماً من يسالمها مادامت حيا محافظاً على شرفي وسلاحي لا أتركه قـط حتى آخر قطرة من دمي ((والله على ما أقول شهيد)) If you need any help, Kindly contact the other administrators.
|
|
|
|
|
04-02-2010
|
#6 |
|
تاريخ التسجيل: Feb 2010
العمر: 29
المشاركات: 8
شكراً: 3
تم شكره 0 مرة في 0 مشاركة
معدل تقييم المستوى: 0 |
الشحي ..... بنت علي ...
ماقصرتوا يا خوان شما .... علكم ذخر ... عندي تعقيب بسيط 1 طبعا انا اوردي سرت المكتب اللي انته ترمس عنه وقالو بيدورون لي قبول ونصحوني ب (( ديكنز )) بس يوم رمست الخوات في التعليم العالي انصحوني ادور غيرها .. اونه في جامعات مستواها احسن ... وعجان جيه بغيت اتخبركم .. 2 ابا تحددون نسبة قبولي او منحي البعث (( وهذا شي مهم )) لاني بقدم استقالتي من شغلي قبل لا اقدم ع البعثه ولا مابياخذون اوراقي ... يعني لازم اجازف ... ف ياتصيب يا تخيب .. اباكم تخبروني عن عماركم يعني نسبة الثانوية .. اذا حد عنده دبلوم و شراتي نسيت اخبركم نسبتي في الثانوية 73 ادبي خريج 1999 معدل الدبلوم 3.4 خريج 2007 وهو اللي بقدم به ايلس عندي والنسبه 6 توفل عندي 78 دخيلكم كم نسبة قبولي وتسلمون عالردود وبعدني بترياكم والسموحه |
|
|
|
|
04-02-2010
|
#7 |
|
عضـو فعّـال
تاريخ التسجيل: Nov 2007
المشاركات: 119
شكراً: 3
تم شكره 14 مرة في 12 مشاركة
معدل تقييم المستوى: 3 |
اخوي راشد..
التعليم العالي يمشي على آخر شهادة عندك.. اللي هي الدبلوم... وماشاءالله معدلك فوق الثلاثة وهذا هو المطلوب... وان شاءالله بيقبلونك... انته توكل على الله وجهز كل اوراقك... انا دارسة الباكالوريوس اتصال جماهيري - راديو وتلفزيون .. وكان شي قسم للعلاقات العامة وقسم للصحافة... والماستر اتصال عام من امريكا... والحمدلله خبرتي كلها بنفس التخصص والمجال.. وان شاءالله الدكتوراه اتصال سياسي ورأي عام... في استراليا يعني زميلتك في التخصص شوي... نصيحتي لك... ادرس Communication بشكل عام... ولا تحصر نفسك بس في العلاقات العامة... صح مجال العلاقات العامة واسع وكبير.. بس للأسف... المؤسسات هنيه مب فاهمة هالتخصص... ويساء فهمه... ويتم توظيف اشخاص حملة شهادات تخصص علاقات عامة بأشيا لا تمت للتخصص بصلة لأنه على قولتهم علاقات عامة يعني "يسوي اي شي وكل شي" وهذا حرام... بس شو بتفهم... الاتصال بتكتسب منه كل شي له علاقة بالعلاقات العامة.. الاتصال الجماهيري.. الصحافة... الاتصال المؤسسي... الاتصال الثقافي.. الاتصال الشخصي.. جميع انواع الاتصال الانساني.. وجيه بتكون ضربت عصفورين بحجر... بعدين ليش تستقيل من شغلك؟؟؟ هالأيام محد يحصل وظايف... اذا كنت تشتغل في مكان حكومي وماشاءالله صار لك 10 سنوات قدم لهم طلب اجازة دراسية.. والتعليم العالي ما يمانع ابدا اذا كنت موظف وبتسافر عن طريقهم... المهم تحدد لهم اذا كنت تبا بعثة براتب (يعني راتب التعليم العالي) أو بعثة بدون راتب (يعني دوامك يدفع راتبك) بس اقساط الجامعة والتذاكر والتأمين الصحي كله على التعليم العالي... اذا دوامك زينين.... خذ اجازة دراسية بدون راتب .. وخذ بعثة التعليم العالي براتب.... سير ادرس... وتخرج ان شاءالله... وارجع باشر بدوامك... اذا تحس انه وضعك ويا الشهادة اليديدة تغير وصار في تعديل وضع ... ووظيفتك صارت احسن من قبل ترا الوظيفة عندك... واذا ما حسيت انه المكان مناسب تقدر اتم على راس عملك لين تحصل وظيفة ثانية.... جيه بتكون درست الحمدلله... ووظيفتك موجودة خصوصا انك ما حملت دوامك اي نوع من التكاليف المالية... وبعدها تقرر شو تبا تسوي... واذا يازت لك الدراسة كمل ماستر ودكتوراة.. الدولة ما تقصر الحمدلله... اتمنى اكون افدتك من ناحية التخصص... واخوانك وخواتك ما قصروا من ناحية استراليا والدراسة والعيش فيها... وبالتوفيق ان شاءالله... |
|
|
|
| الأعضاء الذين قالوا شكراً لـ أمووون على المشاركة المفيدة: | rashed (08-02-2010) |
|
08-02-2010
|
#8 |
|
تاريخ التسجيل: Feb 2010
العمر: 29
المشاركات: 8
شكراً: 3
تم شكره 0 مرة في 0 مشاركة
معدل تقييم المستوى: 0 |
السلام عليكم والسموحة ع التاخير
اختي امووون مشكورة عالنصيحه ... صراحة مشيت بكلامج وكلمت idp عجان ييبولي قبول من جامعة usq وهذا التخصص Bachelor of Communication (BCMM) - BCmn http://www.usq.edu.au/handbook/2010/arts/BCMM.html ودورت بعد في جامعة rmit اللي خبرتني عنها "بنت علي" http://www.rmit.edu.au/browse?SIMID=...TL#de******ion وما ادري شو رايج ؟؟ وين احسن منهن .. مع اني قدمت في جامعة ديكنز واتريا القبول وبخصوص الشغل عندنا مايعطون اجازات دراسية بدون راتب 4 سنين حدهم 45 يوم وانا رمستهم وما طاعوا وابتعاث عن طريقهم صعب يعني اذا ابا ادرس لازم اقدم استقالتي واقدم عالبعثة مافي حل ثاني نهائيا ... انصحيني الله ايخليج يادكتورة ... خلاص بس من اييني القبول بقدم عالبعثة وبتريا القبول واذا طلعلي بقدم استقالتي ع طول والله يرزقني يوم برد من الدراسة .. |
|
|
|
|
08-02-2010
|
#9 |
|
العضو المميز لشهر ابريل - قاعة استراليا
عضـو نشيـط
تاريخ التسجيل: Jul 2008
المشاركات: 762
شكراً: 61
تم شكره 57 مرة في 41 مشاركة
معدل تقييم المستوى: 3 |
السلام عليكم
أخوي راشد مستوى الجامعات بالنسبه لبعض : 1_ RMIT 2_ Deakin 3_ USQ
__________________
توكلت على من هو ليس بمضيعي ... فكيف لي أن أخشى وهو معي http://alazaheer.net/up/hamm.swf إهداء لكل مغترب |
|
|
|
|
09-02-2010
|
#10 |
|
عضـو فعّـال
تاريخ التسجيل: Nov 2007
المشاركات: 119
شكراً: 3
تم شكره 14 مرة في 12 مشاركة
معدل تقييم المستوى: 3 |
اخوي بو المها....
شفت مواد البرنامجين... الثنينه زينين بصراحة... والمواد حلوه... بس المواد في RMIT شجعتني اكثر... وفيها وايد من الـ Public Relations وانته تميل لهالتخصص.. لو انا كنت بدالك بختار RMIT بس انا ماعرف الجامعة لأني بعدني ما انتظمت في الدراسة ... وقبولي اصلا يايني في جامعة كانبرا... والكل يقول انها مدينة كئيبة بس انا ما يفرق عندي المكان دام اني حصلت التخصص اللي اباه... الله يوفقك ان شاءالله وان شاءالله رب العالمين بيعوضك بوظيفة احسن يوم بترد... |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| في حب الوطن ..الاتحاد الوطني لطلبة الإمارات طالبات | ENSUBEW | طلبة الإمارات في الداخل | 0 | 06-12-2009 19:34 |
| حب الوطن ماهو مجرد حكاية ..شاركونا الفرحه | كيندر | التصوير والتصميم | 15 | 03-12-2008 19:37 |
| سفراء الوطن في أمريكا | BIN HELAL | طلبة الولايات المتحدة الأمريكية وكندا | 8 | 28-03-2008 16:37 |
| مشروع الاحياء وملف الانجاز | غلا الكتبي | المدارس | 7 | 22-12-2006 22:39 |
| ياشباب الوطن لبو نداكم(وصية المغفور له بو خليفه) | الدليه | واحة الطلبة | 4 | 19-02-2005 12:41 |
